Nachricht 1 bis 4 von 1326 Weiter >

09.05.2018 - ALG News 02/2018

Aktuale ALG News janë lëshuar vetëm!

Jeni kureshtar?
Lexoni dhe shikoni vet!

ALG News 01/2018 - Download >>

29.04.2018 - La vlen të pritet: Gëzimi paraprak po rritet

Na është dashur të presim gjatë dhe me durim, për të na u kumtuar lajmi për lejimin e mjeteve financiare nga buxheti i Ministrisë Gjermane për Bashkëpunim Ekonomik.
Ndërsa ne, vetëm 48 orë pas vendimit kemi filluar me punët ndërtimore për qendrën tonë të re në Tranzit dhe është hapur gropa e bodrumit.
Të dielën me shumë muzikë dhe mysafirë kemi festuar fillimin e punëve ndërtimore në Tranzit. Atmosfera ishte e gëzuar dhe e tendosur gjersa drejtori komunal për zhvillim urban së bashku me udhëheqësin e objektit Bardhyl Metkamberi dhe udhëheqësin e projektit Moritz Kuhlmann SJ, nën drejtimin e Xhevdet Muçajt-udhëheqësit të firmës ndërtimore, derdhën karrocën e parë me çimento në pllakën e bazamentit.
Kolegët nga shkolla fillore dhe gjimnazi dëshmuan se edhe në lokacione të ndryshme jemi të bashkuar në një organizatë - jemi ALG. E fëmijët ashkalinj tregojnë me krenari tabelën e ndërtimit dhe thonë: Shkolla jonë e re!
Faleminderit shumë për çdo përkrahjë!

27.04.2018 - Një bibliotekë fëmijësh

Pak ditë pas ditës ndërkombëtare të librit, shkolla jonë fillore festoi hapjen e bibliotekës së shkollës.
Direkt nën kulmin e shtëpisë tonë të dytë, drejtoresha me përkrahje të disa kolegëve kishte krijuar një hapësirë të shkëlqyeshme të leximit, të cilën hapësirë në këtë ditë e kishte vizituar secila klasë. Inventari ekzistues i librave janë donacionet në libra nga festa e hapjes së shkollës, nga mësimdhënëset dhe mësimdhënësit, si dhe nga vetë fëmijët.
Falënderojmë edhe shoqatën e miqve dhe përkrahësve, e cila ka përkrahur fuqishëm ngritjen e kësaj "perle të punës pedagogjike".

26.04.2018 - Miqtë ndërkombëtarë

Anëtarë të klubit rotarian "Potsdamer Platz" nga Berlini ishin për disa ditë mysafirë te ne. Ishin shumë zemërhapur dhe kaluan shumë kohë në Tranzit. Ata takuan të rinj nga lagja dhe nxënës të gjimnazit, të cilët angazhohen së bashku atje, por shfaqën edhe interesim të madh në punën tonë shkollore dhe edukative në shkollën fillore, gjimnaz dhe shkollën profesionale në planifikim.
Klubi rotarian i Prizrenit kishte shtyrë festimin e jubileut në ditët e qëndrimit të rotarianëve gjermanë. Së bashku me rotarianët nga Stambolli dhe Londra pritet të fillohet një global grant-një aksion i përbashkët përkrahës.

Ju faleminderit shumë!

Nachricht 1 bis 4 von 1326 Weiter >