Aktuale

Afatet

Jobs

Mirë se vini në faqen tonë të Internetit.

Aktuale

05.12.2017 - Unser neues Jahrbuch 2017/18

Të dashur prindër, të dashur miq të Shkollës Fillore Loyola, të Gjimnazit Loyola dhe Loyola-Tranzit, na vjen mirë që po ua dorëzojmë Vjetarin tonë të ri. Aty raportojmë para së gjithash për ngjarjet dhe jetën e larmish-me në shkollë dhe konvikt në vitin që e lamë pas 2016/17. Në rast se lidhjet tuaja me shkollën janë më të gjata, do të rilexoni gjëra të njohura dhe të dëshmuara. Po ashtu do të zbuloni edhe risi. Të eksituar po i shoh të gjitha përpjekjet tona, si në shkollë fillore, ashtu edhe në gjimnaz dhe në konvikt: Shkolla ka për qëllim të arsimojë sa më mirë që është e mundur fëmijët dhe të rinjtë. Por edhe institucioni i shkollës dhe të rriturit që veprojnë brenda duhet po ashtu edhe vetë të mësojnë dhe në këtë kontekst të mbesin edhe më tej nxënës. Vetëm në këtë mënyrë mund t'ia dalin në detyrën e tyre të vështirë, që tani t'i identifikojnë sfidat e së ardhmes të gjeneratës së re. Ne mësojmë dhe edukojmë sot për të nesërmen! Shkrimet e shumta dhe fotografitë në këtë libër tregojnë për përpjekjet tona, çka na preokupon, ku ia dalim dhe çka na mundon. Ju dëshiroj lexim interesant. Paraprakisht dua t'ju falënderoj përzemërsisht: Pa besimin tuaj për të dërguar fëmijët te ne, pa interesin dhe angazhimin tuaj, përkrahjen dhe zemërgjerësinë – si në Kosovë ashtu edhe në Gjermani, Austri dhe vende tjera, e gjithë kjo për të cilën kemi shkruar nuk do të ishte e mundur. Këtë nuk e harrojmë. Ju lus që këtë Vjetar ta kuptoni edhe si shenjë falënderuese të lidhjes së ngushtë shpirtërore. Në emër të gjithë kolektivit të shkollës me dëshirat më të mira për festën e Krishtlindjes dhe Vitin e Ri. Dr. Axel Bödefeld SJ Drejtor

********************************************

03.12.2017 - ALG News 07/2017

Aktuale ALG News janë lëshuar vetëm! Jeni kureshtar? Lexoni dhe shikoni vet!

********************************************

30.11.2017 - Një vizitë të veçantë

Vizita e kryeministrit të ri të Kosovës, Z. Ramush Haradinaj, edhe pse ishte vetëm një orëshe, ishte plotë me përjetime dhe diskutime. I shoqëruar nga ambasadori i ri gjerman në Kosovë Z. Christian Heldt, ai u prit nga kori i shkollës dhe disa nga përfaqësuesit e komunitetit të shkollës. Për të marrë një përshtypje të punës sonë të përditshme, kryeministri vizitoi tri klasa gjatë orës mësimore dhe grupin e mësimit përshpe-jtues të Loyola Tranzit, për të vazhduar pastaj me diskutimet në një rreth më të vogël lidhur me sfidat që sistemi i edukimit në Kosovë po i përjeton. Kryeministri gjithashtu premtoi zg-jidhjen e problemit të borxheve të qeverisë ndaj Loyolës në një të ardhme shumë të afërt. Ne shpresojmë më të mirën.

********************************************

13. - 24.11.2017 - Universiteti në shkollë

Hiq më pak se 24 studentë të Fakultetit të Germanistikës të Universitetit të Prizrenit përfunduan brenda një periudhe dyjavore një praktikë në Gjimnazin Loyola - natyrisht në lëndën e gjermanishtes të kolegeve dhe kolegëve tanë, të cilëve u shprehim falënderim për sinqeritetin e treguar. Ne i gëzohemi bashkëpunimit të ri të shkollës me Universitetin e Prizrenit dhe shpresojmë të kemi shumë përfitime sidomos për nxënëset dhe nxënësit tanë.

********************************************

24.11.2017 - Festimi i Ditës Kombëtare

Kėtė vit pėr Ditėn e Flamurit ftuam pėrfaqėsuesit e bibliotekės sė qytetit tė Prizrenit, qė pėr nder tė festės kombėtare "Dita e Flamurit" t'u drejtohet nxėnėsve tanė dhe pėr tė folur pėr rėndėsinė e librit dhe leximit. Ata dhanė njė mesazh tė mirė sidomos duke i dhuruar bibliotekės sė shkollės njė numėr librash. Me kėtė e lidhėm edhe me ftesėn pėr tė gjitha nxėnėset dhe nxėnėsit, pėr ta ri-zbuluar dhe shfrytėzuar bibliotekėn e shkollės, meqenėse atė kemi sėrish njė ekip tė angazhuar tė ndihmėsve. Momenti festiv i bashkėsisė sė shkollės nė sallėn e dekoruar u plotėsua me pika muzikore dhe poetike. Kjo ishte edhe dita e fundit tė shkollės para ditėve tė pushimit qė vijnė. Nė shkollėn fillore, kjo ditė sėrish u festua brenda kla-save. Nė javėt e fundit, dekorimet nė rritje tė shkollės fillore me ngjyrat kuq e zi kishin paralajmėruar ardhjen e kėsaj feste. Se sporti bashkon shumė njerėz, kjo u vėrtetua edhe njėherė nė ambientet e shkollės sonė, ku pėr nder tė festės se flamurit kombėtar mysafirėt e shkollės fillore "Bajram Curri" nga Krusha e Madhe, erdhėn pėr njė lojė futbolli nė mes klasave tė VII-ta. Nė kėtė formė vazhdojmė traditėn e pritjes sė nxėnėsve nga shkollat e tjera pėrmes aktiviteteve tė ndryshme. E kemi bėrė edhe njė traditė tjetėr nė shkollėn tonė, qė pėr festėn kombėtare tė organizojmė edhe njė turne nė volejboll. Nė kėtė vit, fitorja i takoi njė ekipi tė klasės XII e.

********************************************

18.11.2017 - Dita e bisedës me prindër

Siç e kemi praktikuar edhe më parë, bashkë me informacionin vjeshtor, në kuadër te ditës së bisedës me prindër, bëjmë edhe lajmërimin e parë me shkrim mbi gjendjen aktuale të suksesit të nxënëseve dhe nxënësve. Pas takimit të përbashkët në kuadër të klasës, të gjitha koleget dhe kolegët ishin të gatshëm për biseda individuale. Për të mbledhur më shumë forcë, nxënësit ofruan kafe dhe ëmbëlsira, gjersa bendi i shkollës dha një koncert në hollin e shkollës. Në orët e para të pasdites u takua edhe këshilli i ri i prindërve, i cili sipas rregullores së re të këtij organi është më i vogël dhe shpresojmë se do të punojë në mënyrë më konstruktive. Pas një raportimi shumë të hapur të drejtorit rreth situatës aktuale dhe sfidave të shkollës, ka pasuar një shkëmbim i gjallë rreth çështjeve të ndryshme. Përveç kryesuesit Fatmir Rexhai, u zgjodhën edhe dy anëtarë të rinj të bordit. Në mbrëmjen e së njëjtës ditë, në konvikt patëm një turne të vogël volejboll me ekipe të përziera. Ishte një mbrëmje e shkëlqyeshme, për disponim të së cilës u kujdes edhe audienca me instrumentet frymore. Fitorja u takoi maturanteve dhe maturantëve.

********************************************

16.11.2017 - Jo vetëm kinemaja, edhe teatri

Një grup i nxënësve konviktorë, së bashku me edukatorët, vizitoi Teatrin Kombëtar të Prishtinës dhe shfaqjen e dramës "Ata që ikin" - në regji të Kushtrim Bekteshit. Ishte një moment i rrallë për të rinjtë, të përjetojnë të gjallë/ live aktorët dhe të shprehurit e tyre artistik në skenë.

********************************************

13.11.2017 - Rregullat e besueshme për më shumë transparencë

Ishte i nevojshëm më shumë se një vit pune të përbashkët deri sa kishim përfunduar të gjitha rregullat procedurale dhe dokumentet interne të kërkuara ligjërisht. Në shumë diskutime, konferenca e këshillime, përfshirë edhe ato me ekspertë të jashtëm dhe avokatin tonë në Prishtinë, nga draftet tona të para përpiluam tekstet finale, të cilat Drejtori P. Bödefeld me 1 nëntor i ka shpallur zyrtarisht të vlefshme. Tani pra, kemi Rregulloren e Shkollës, Kodin e Mirësjelljes për të gjithë ata që marrin pjesë në jetën e shkollës si dhe Rregulloren për Mbrojtje të Fëmijëve. Meqenëse në këtë kontekst, u bë edhe emërimi i disa kolegeve dhe kolegëve në detyra të reja, kishim arsye e mjaftueshme për një pritje të vogël, për të vlerësuar punën e bërë dhe gatishmërinë për angazhim.

********************************************

10. - 12.11.2017 - Urime!

Siç e kemi paralajmëruar në ALG-News të fundit, nxënësja e jonë Blerona Dakaj nga 8b, ka prezantuar në Zarë të Kroacisë shkollën tonë dhe Kosovën në garat e leximit të ZfA për Evropën Juglindore. Jemi shumë të kënaqur dhe krenar që ajo ka zënë vendin e 3-të në garë! Urime të përzemërta edhe mësimdhënësve dhe mësimdhënëseve të saj.

********************************************

10.11.2017 - Ditë e plotë shkollore

Z. Christian Müller, drejtues i seksionit të vizave të Ambasadës gjermane në Prishtinë, kishte ardhur te ne së bashku me një kolege, për të diskutuar çështjet e hapura në lidhje me aplikimet për vizë për punë praktike, trajnime, programe të shkëmbimit të nxënësve dhe vizita studimore. Rreth kësaj çështje ka ende pyetje të shumta meqenëse ndryshimet e vazhdueshme të proceseve e bëjnë situatën edhe më të komplikuar. Biseda tejet informative e konfirmoi edhe njëherë përshtypjen tonë për bashkëpunimin e mirë që kemi me seksionin e vizave dhe tërë Ambasadën Gjermane, e cila për ne është shumë e rëndësishme. Pas mësimit kemi ftuar për një kafe dhe për shkëmbim të hapur kolegial të gjitha mësimdhënëset dhe mësimdhënësit e rinj që kanë filluar punën në këtë vit shkollor. Vera dhe fillimi i vitit shkollor u karakterizuan nga disa ndryshime në personelin e shkollës. Për këtë shkak, e pamë si të rëndësishme që ti inkurajojmë kolegët tanë për bashkëpunim të mirë dhe të hapur, dhe që ti qasen pa hezitim drejtorisë së shkollës në rast të pyetjeve apo problemeve. Në fund të takimit, të gjithë shprehën falënderim për këtë raund bisedimesh. Në pasditen e kësaj dite, pasi kishin ardhur nga jashtë të gjithë të ftuarit , u mbajt mbledhja vjeshtore e Shoqatës Bartëse. Me atë rast u diskutua për projekt-buxhetin e vitit 2018 si dhe për zhvillimet aktuale në të gjitha fushat e ALG-së. Provinciali ri i Provincës Kroate e Jezuitëve, P. Dalibor Renič, u zgjodh në bordin e Shoqatës Bartëse. Mbledhja u mbajt në shkollën fillore, në mënyrë që të gjithë të kishin një pasqyrë të drejtpërdrejtë të përfundimit të suksesshëm të punëve ndërtimore. Pas mbledhjes, bisedimet u vazhduan gjatë një darke të përbashkët.

********************************************

mehr >>

Afatet

30.06.2018 - 02.09.2018

Pushimet verore

********************************************

02.09.2018

Dita e arritjes për konviktorët

********************************************

25.08.2018 - 09:00 - 12:00

Provimi pranues për klasën e VI-të dhe e X-të

********************************************

Loyola-Gymnasium - Afatet e pushimeve

********************************************

Shkolla Fillore - Afatet e pushimeve

********************************************

14.06.2018 - 17.06.2018

Bajram (Eid-Al-Fitr)

********************************************

17.06.2018

Dita e arritjes për konviktorët

********************************************

02.06.2018 - 09:00 - 12:00

Provimi pranues për klasën e VI-të

********************************************

02.06.2018 - 13:00 - 16:00

Provimi pranues për klasën e X-të

********************************************

26.05.2018 - 12:30 - 17:30

Mësimi përgaditor - klasa e VI dhe X

********************************************

mehr >>

Shkolla & Konviktet

Oferta jonë arsimore ka për cak të tërë Kosovën. Fëmijët ...

Paraqitjet & Tarifat

Gjithçka për provimin pranues, për paraqitjen dhe ...

ALG News

Abonimi dhe shkarkimi i të dhë nave të mëhershme ...

Projekti & Shoqata bartëse

Si bëhet projekti nga një ide dhe kush është bartës i ...

Kontakti

Kërkoni të na kontaktoni? Këtu i gjeni të gjitha të dhënat për kontakt ...

Shkarkimet

Në këtë faqe mund t´i gjeni t ë gjitha dokumentet e ...

Mediumet

ALG në media dhe shkarkimet ...

Fotografitë & Filmat

Galeri fotografishë dhe ...

Punësimet

Kërkoni një vend pune? Ndoshta pikërisht juve ju kërkojmë ...


Afatet e pushimeve
Gjimnaz

Afatet e pushimeve
Shkolla Fillore

ALG News

Këtu mund ta porositni gazetën tonë me informatat aktuale për projektin dhe përditëshmërinë shkollore.

Donacion online

Po, ndihmoj unë dhe do dhuroj!

Kontoja e donacioneve

Jesuitenmission
Königstr. 54
D - 90402 Nürnberg

Ligabank Nürnberg
Vordere Sterngasse 32
D - 90402 Nürnberg

Konto: 511 55 82
BLZ: 750 903 00
IBAN: DE 61 750 903 00 000 511 55 82
SWIFT: GENODEF1M05
Stichwort: Loyola-Gymnasium

Zuwendungsbescheini-
gungen werden erstellt.



Aktuale & Afatet | Shkolla & Konvikti | Projekti & Shoqata bartëse | ALG News | Shkarkimet | Partnerët | Kontakti | Dëftues botimi


Copyright © 2006-2018 Asociation "Loyola-Gymnasium" Prizren. Të gjitha të drejtat janë të rezervuara.